Në javën e 27-të të kampionatit, FK Bylis priti në shtëpi KF Vora dhe arriti një fitore të rëndësishme me rezultatin 1-0, duke u ngjitur kështu në vendin e 7-të në renditje.

Në minutën e 88’, Ahmed Adepoju shënoi golin e fitores pas një asisti nga Rabiu Abdullahi, duke siguruar kështu tre pikët për ekipin. Paraqitja e tij u vlerësua maksimalisht, pasi u shpall “Lojtari i Ndeshjes” dhe u përfshi gjithashtu në formacionin më të mirë të javës nga FSHF. Një debutim i shkëlqyer për të, të cilit i urojmë suksese të mëtejshme.

Një debutim i shkëlqyer për të, të cilit i urojmë suksese të mëtejshme.

Në javën e 26-të të kampionatit, FK Bylis u përball në transfertë me AF Elbasanin, në një ndeshje të zhvilluar të shtunën, më 28 shkurt 2026, në orën 16:30. Takimi u mbyll në barazim 1-1, por u shoqërua me disa vendime të diskutueshme arbitrale që ndikuan drejtpërdrejt në rrjedhën e lojës.

Tre episode kyçe ngritën pikëpyetje të mëdha: dy penallti të paakorduara dhe një karton i kuq i munguar për skuadrën vendase.

🔎 Minuta 59’ – Olavio
Sulmuesi ynë hyn në zonë nga e majta dhe tërhiqet qartë nga kundërshtari. Edhe pse akordohet penallti, mungon kartoni i kuq sipas rregullores për ndërhyrje që ndalon një rast të pastër shënimi.

🔎 Minuta 70’ – Pedro Vieira
Vieira rrëzohet në zonë pas një kontakti të dukshëm, por gjyqtari lejon vazhdimin e lojës dhe VAR nuk ndërhyn.

🔎 Minuta 88’ – Camara
Në momentet vendimtare të ndeshjes, Camara rrëzohet në zonë pas kontaktit me mbrojtësin vendas. Edhe në këtë rast, loja vazhdon dhe penalltia nuk akordohet.

Këto vendime kanë ndikuar ndjeshëm në fatin e takimit dhe kanë lënë hapur diskutime mbi standardin e arbitrimit.

🎥 Ndiqni pamjet e episodeve këtu:
https://youtu.be/nQ-4Pnb4TW4?si=9zFTc5EEzoYMk4NG

Në javën e 26-të të kampionatit, FK Bylis u përball në transfertë me AF Elbasanin, në një ndeshje të zhvilluar të shtunën, më 28 shkurt 2026, në orën 16:30. Takimi u mbyll në barazim 1-1.

Në këtë përballje u dallua kapiteni Aurel Marku, i cili u shpall “Lojtari i Ndeshjes” falë paraqitjes së tij të shkëlqyer. Ai u përfshi gjithashtu në formacionin më të mirë të javës nga FSHF.

Një paraqitje shumë e mirë nga kapiteni ynë, i cili vazhdon të jetë një pikë kyçe për ekipin.

Për sezonin 2024-2025, skuadra jonë e parë, “Bylis A”, konkurron në nivelin më të lartë të futbollit shqiptar, “Kategoria Superiore”, me objektivin për të siguruar rezultate të mira dhe për të përfaqësuar denjësisht qytetin e Ballshit.

Për sezonin 2024-2025, skuadra jonë rezervë ("Bylis B") luan në divizionin e 3-të të futbollit shqiptar, "Kategoria e Dytë", në grupin B.

E krijuar në vitin 2023, skuadra jonë rezervë pasoi skuadrën U21, e cila garoi në Kategorinë Superiore U21, ku doli kampione tre herë (23/24, 21/22, 20/21) nga pesë edicionet e mbajtura. Ekipi Bylis B mori pjesë për herë të parë në Kategorinë e Tretë të organizuar nga FSHF gjatë edicionit 2024-2025, të cilin e fitoi.

Krijuar në vitin 1972, ekipi i futbollit fillimisht është quajtur “8 Korriku” dhe më pas “14 Korriku”, si data historike të Besëlidhjeve të Poçemit. Në vijim mori emrin Ballshi i Ri dhe më pas Bylis, një emër historik i marrë nga qyteti historiko-antik i krahinës së Mallakastrës, ku edhe sot bie në sy fusha e futbollit, fakt që tregon se në këtë krahinë sporti ka qenë mjaft popullor që në periudhat e para para Krishtit.

Kur Bylisi, tre dekada më parë, bënte jehonë në “France Football”

Klubi luajti në Kategorinë e Dytë për rreth 10 vite, nga viti 1986 deri në vitin 1996, duke u ngjitur më pas në elitë falë një sezoni historik 1995–1996. Në atë kampionat, Bylisi shënoi plot 124 gola dhe pësoi vetëm 21, ndërsa golashënuesi më i mirë i skuadrës ishte Agim Metaj. Ky bilanc mbeti një rekord kombëtar, i cili u pasqyrua edhe nga revista prestigjioze franceze France Football.

Pavarësisht këtij sezoni të jashtëzakonshëm, skuadra u rendit nënkampione e Kategorisë së Dytë, duke u mundur nga Lushnja në finalen e zhvilluar në Tiranë me rezultatin 1-0, pas një goli me penallti të lagunarëve. Kjo ndeshje u kontestua ashpër nga klubi ynë për shkak të gjykimit të kryesorit Bujar Pregja. Megjithatë, Bylisi arriti ngjitjen në Kategorinë Superiore, duke mbyllur sezonin me 72 pikë, si kryesuese e Grupit B (ose Grupit të Jugut), një rekord që rrallëherë është realizuar nga ekipet shqiptare.

Vlen të theksohet se gjatë kësaj periudhe spikatën emra të rëndësishëm të futbollit shqiptar si Luan Asllanaj, Klodian Asllanaj dhe Fjodor Xhafa, të cilët më pas lanë gjurmë në futbollin kombëtar, duke luajtur me ekipet më të mira të vendit dhe duke veshur edhe fanellën kuqezi të përfaqësueses U-21 dhe të Kombëtares shqiptare.

Bylis u shndërrua kështu në një simbol krenarie për Ballshin dhe gjithë Mallakastrën, duke dëshmuar se pasioni, puna dhe identiteti lokal mund të prodhojnë histori të mëdha në futbollin shqiptar.